肥瑶

版权声明：转载时请以超链接形式标明文章原始出处和作者信息及本声明
http://fatuu.blogbus.com/logs/8095929.html

    其实我想讲嘅嘢,意思同上一篇差唔多. 不过,谂吓谂吓,我想讲嘅嘢用韩文真係远远表达唔到~~

    后日,2007年9月6号,我就要献出我几个第一次喇:第一次体验住宿,第一次踏进大学生活,第一次真真正正咁自己对自己负责. 之前冇好好想过,当我今日一路收拾行李,一路思考嘅时候,先发现要考虑嘅嘢真係会越谂越多. 或者呢D就证明咗我对大学生活係几咁期待.

    正如上一篇日志写到嘅,我希望自己进步. 详细嘅唔多讲

    最后,回忆翻我呢一个暑假. 我谂我可以自信咁讲,我呢个暑假已经比其它人充实好多:) 呢3个月嘅暑假,我第一个月同高中班老友记玩,第二个月,我足足攞咗一个月时间去学韩文,真係朝九晚五嘎... 第三个月,我又几乎攞咗一个月时间去旅行.  所以,呢个暑假对我嚟讲真係过得太快了...

    青春真係好啊... 又有自由,又有幸福,又有美貌(当然我呢个....  大家唔好呕,忍住.)  只有呢几年嘎咋,大家好好珍惜喇:)  행복해요!   期待自己嘅成长~~~~~  哈哈

    最后嘅最后... 老友们,我真係,好唔舍得你哋!!!   放假记得出嚟蒲啊!!保持联络啊!!!!哈哈哈哈